Мадриднинг «Реал» клуби ҳимоячиси Фран Гарсия яқин орада жамоасини ўзгартириши мумкин.
Журналист Маттео Мореттонинг маълум қилишича, испаниялик футболчи Ла Лиганинг бошқа клубига кўчиб ўтиш эҳтимолига эга.
Хабарларга кўра, «Бетис» чап қанот ҳимоячиси позициясини кучайтириш учун тузилган қисқа рўйхатга Фран Гарсияни ҳам киритган. Айни пайтда икки клуб ўртасида расмий келишув мавжуд эмас.
Ўтган мавсумда Фран Гарсия 23 та учрашувда майдонга тушди. У мазкур баҳсларда 1 та гол урди ва 1 та голли узатмани амалга оширди.













