"Vest Xem" bosh murabbiyi Devid Moyes Konferensiyalar ligasi 1/2 finalida AZga qarshi javob uchrashuvi haqida fikr bildirdi. Birinchi o‘yin ingliz klubining 2:1 hisobidagi g‘alabasi bilan yakunlandi.
“Bizning ustunligimiz minimal. Agar bitta gol farqi bilan yutqazganimizda bizda ham imkoniyatlar bo‘lardi. Juftlik g‘olibi haqidagi savol ochiq qolmoqda va biz ishni tugatishimiz kerak. Biz kelajak haqida o‘ylashdan oldin bu jarayondan o‘tishimiz kerak. Har qanday turnirda g‘alaba qozonish uchun barcha imkoniyatlardan foydalanish kerak. Menga hozir qilayotgan ishimiz juda yoqadi. Biz Konferensiyalar ligasini avgust oyida boshlagan edik, hozir esa may oyining o‘rtalarida va biz hali ham shu yerdamiz, shuning uchun bu yigitlarning katta xizmatlaridir", - deya Moyesning so‘zlarini keltiradi UYEFA sayti.
Javob o‘yini 18 may kuni Niderlandiyada bo‘lib o‘tadi. Uchrashuv Toshkent vaqti bilan 23:59 da boshlanadi.
