Fransiya Professional futbol ligasining tartib-intizom qo‘mitasi rasmiy saytida «PSJ» himoyachisi Ashraf Hakimiy ikki o‘yinga diskvalifikasiya qilinganini ma’lum bo‘ldi.
24 yoshli marokashlik Fransiya chempionatining 35-turi doirasidagi o‘yinda «Ayachcho» yarim himoyachisi Tom Mangani bilan mushtlashgani uchun diskvalifikasiya qilindi.
O‘yin 13 may kuni bo‘lib o‘tdi va parijliklarning g‘alabasi (5:0) bilan yakunlandi. Hakimiy va Mangani o‘yin oxirida sportchiga xos bo‘lmagan xatti-harakatlari uchun maydondan chetlatildi. Voqea tufayli «Ayachcho» yarim himoyachisi ham ikki o‘yinga diskvalifikasiya qilindi.
Joriy mavsumda Hakimiy barcha turnirlarda 38 ta o‘yin o‘tkazib, 5 ta gol urdi va 5 ta golli uzatmani amalga oshirdi.
«PSJ» Fransiya chempionatidagi keyingi ikki o‘yinni «Oser» va «Strasburg» jamoalariga qarshi o‘tkazadi. Mavsum yakuniga 3 tur qolganda parijliklar 81 ochko bilan turnir jadvalida peshqadamlik qilmoqda.
