Франция Профессионал футбол лигасининг тартиб-интизом қўмитаси расмий сайтида «ПСЖ» ҳимоячиси Ашраф Ҳакимий икки ўйинга дисквалификация қилинганини маълум бўлди.

24 ёшли марокашлик Франция чемпионатининг 35-тури доирасидаги ўйинда «Аяччо» ярим ҳимоячиси Том Мангани билан муштлашгани учун дисквалификация қилинди.

Ўйин 13 май куни бўлиб ўтди ва парижликларнинг ғалабаси (5:0) билан якунланди. Ҳакимий ва Мангани ўйин охирида спортчига хос бўлмаган хатти-ҳаракатлари учун майдондан четлатилди. Воқеа туфайли «Аяччо» ярим ҳимоячиси ҳам икки ўйинга дисквалификация қилинди.

Жорий мавсумда Ҳакимий барча турнирларда 38 та ўйин ўтказиб, 5 та гол урди ва 5 та голли узатмани амалга оширди.

«ПСЖ» Франция чемпионатидаги кейинги икки ўйинни «Осер» ва «Страсбург» жамоаларига қарши ўтказади. Мавсум якунига 3 тур қолганда парижликлар 81 очко билан турнир жадвалида пешқадамлик қилмоқда.