"Yuventus" Massimiliano Allegri murabbiylik lavozimiga qaytganidan beri hech qanday sovrin yutmagan.
Kecha turinliklar Yevropa ligasining yarim final bosqichida “Sevilya”ga imkoniyatni boy berib (1:1, 1:2), turnirdan chiqib ketdi. Endi “Yuventus”ning bu mavsumda sovrinlar uchun imkoniyati yo‘q – avvalroq jamoa yarim final bosqichida “Inter”dan (1:1, 0:1) mag‘lub bo‘lib, Italiya kubogini tark etgan va A Seriya chempionligi uchun “Napoli”ga imkoniyatni boy berdi.
"Yuventus" Allegri bosh murabbiylik lavozimiga qaytganidan beri hech qanday sovrin yutmagan.
O‘tgan mavsumda jamoa A seriyada 4-o‘rinni egalladi, Italiya kubogi finalida "Inter"ga yutqazdi (2:4), "Vilyarreal"dan mag‘lub bo‘lib, 1/8 final bosqichida Chempionlar ligasidan chiqib ketdi (1:1, 0: 3) va Italiya Superkubogi uchun o‘yinda “Inter”ga (1:2) mag‘lub bo‘ldi.
Allegri "Yuventus"ga 2021 yilning may oyida qaytgan edi. 2014 yildan 2019 yilgacha davom etgan ishning birinchi bosqichida jamoa 5 marta A Seriyada g‘olib chiqdi, 4 marta Italiya kubogini qo‘lga kiritdi va ikki marta mamlakat Superkubogini qo‘lga kiritdi.
