"Ювентус" Массимилиано Аллегри мураббийлик лавозимига қайтганидан бери ҳеч қандай соврин ютмаган.

Кеча туринликлар Европа лигасининг ярим финал босқичида “Севилья”га имкониятни бой бериб (1:1, 1:2), турнирдан чиқиб кетди. Энди “Ювентус”нинг бу мавсумда совринлар учун имконияти йўқ – аввалроқ жамоа ярим финал босқичида “Интер”дан (1:1, 0:1) мағлуб бўлиб, Италия кубогини тарк этган ва А Серия чемпионлиги учун “Наполи”га имкониятни бой берди.

"Ювентус" Аллегри бош мураббийлик лавозимига қайтганидан бери ҳеч қандай соврин ютмаган.

Ўтган мавсумда жамоа А серияда 4-ўринни эгаллади, Италия кубоги финалида "Интер"га ютқазди (2:4), "Вильярреал"дан мағлуб бўлиб, 1/8 финал босқичида Чемпионлар лигасидан чиқиб кетди (1:1, 0: 3) ва Италия Суперкубоги учун ўйинда “Интер”га (1:2) мағлуб бўлди.

Аллегри "Ювентус"га 2021 йилнинг май ойида қайтган эди. 2014 йилдан 2019 йилгача давом этган ишнинг биринчи босқичида жамоа 5 марта А Серияда ғолиб чиқди, 4 марта Италия кубогини қўлга киритди ва икки марта мамлакат Суперкубогини қўлга киритди.