«Chelsi» bosh murabbiyi Frenk Lempard APL 37-turidan o‘rin olgan «Manchester Siti»ga qarshi o‘yin arafasida raqib haqidagi fikrlari bilan o‘rtoqlashdi.

Ingliz mutaxassisi «shaharliklar»ni uzoq vaqt davomida eng yuqori saviyada qola oladigan ajoyib jamoa deb atadi.

«Ularni tarixdagi eng yaxshi jamoa deb aniq ayta olmayman, bu haqda ko‘p bahslashishingiz mumkin. Ammo bu ajoyib jamoa va anchadan beri shunday tempda qolgan. Barqarorligi uchun ularga katta hurmatim bor», dedi Lempard matbuot anjumanida.