Italiya A seriyasining ikki klubi "Barselona"ning chap qanot himoyachisi Jordi Albani taklif qilishga tayyor. Sport nashri xabariga ko‘ra, himoyachi xizmatlariga Turinning "Yuventus" va Milanning "Inter" klublari qiziqish bildirmoqda.

Manbaning ta’kidlashicha, "Barselona" o‘z futbolchisini tekinga qo‘yib yuborishga tayyor. Gap shundaki, Alba Serxio Buskets ketganidan so‘ng "ko‘k-anorranglilar"ning eng ko‘p maosh oluvchi futbolchilari uchligiga kiradi. Futbolchi maoshini kamaytirishni istamayapti, shuning uchun klub undan qutulmoqchi, ammo Jordining qolish istagi tufayli bu oson bo‘lmaydi.

Eslatib o‘tamiz, avvalroq Albaning "Atletiko Madrid"ga o‘tishi bilan bog‘liq xabarlar tarqalgandi.