Италия А сериясининг икки клуби "Барселона"нинг чап қанот ҳимоячиси Жорди Альбани таклиф қилишга тайёр. Sport нашри хабарига кўра, ҳимоячи хизматларига Туриннинг "Ювентус" ва Миланнинг "Интер" клублари қизиқиш билдирмоқда.
Манбанинг таъкидлашича, "Барселона" ўз футболчисини текинга қўйиб юборишга тайёр. Гап шундаки, Альба Серхио Бускетс кетганидан сўнг "кўк-анорранглилар"нинг энг кўп маош олувчи футболчилари учлигига киради. Футболчи маошини камайтиришни истамаяпти, шунинг учун клуб ундан қутулмоқчи, аммо Жордининг қолиш истаги туфайли бу осон бўлмайди.
Эслатиб ўтамиз, аввалроқ Альбанинг "Атлетико Мадрид"га ўтиши билан боғлиқ хабарлар тарқалганди.
