Oxirgi haftalarda «PSJ» muxlislari Lionel Messini ko‘p xafa qildi. Argentinalik yulduzni himoya qilish uchun bu safar Markinyos jonbozlik ko‘rsatdi.

«Men har doim norozilik namoyishlarini ular adolatli bo‘lsagina hurmat qilaman. Lekin muxlislardan u yoki bu futbolchiga hujum qilmasliklarini so‘ramoqchiman. Mas’uliyat har doim jamoaviydir, birgina insonning aybi yo‘q», - dedi Markinyos L'Equipe nashriga.

Lionel Messining «PSJ» bilan amaldagi shartnomasi joriy mavsum oxirigacha amal qiladi. Argentinalik futbolchi «Barselona»ga qaytishi, shuningdek, «Al-Hilol»ga o‘tishi mumkin, deya taxmin qilinmoqda. Arab klubi Leoga yiliga 500 million yevro to‘lashga tayyor ekani aytilmoqda.