Охирги ҳафталарда «ПСЖ» мухлислари Лионель Мессини кўп хафа қилди. Аргентиналик юлдузни ҳимоя қилиш учун бу сафар Маркиньос жонбозлик кўрсатди.
«Мен ҳар доим норозилик намойишларини улар адолатли бўлсагина ҳурмат қиламан. Лекин мухлислардан у ёки бу футболчига ҳужум қилмасликларини сўрамоқчиман. Масъулият ҳар доим жамоавийдир, биргина инсоннинг айби йўқ», - деди Маркиньос L'Equipe нашрига.
Лионель Мессининг «ПСЖ» билан амалдаги шартномаси жорий мавсум охиригача амал қилади. Аргентиналик футболчи «Барселона»га қайтиши, шунингдек, «Ал-Ҳилол»га ўтиши мумкин, дея тахмин қилинмоқда. Араб клуби Леога йилига 500 миллион евро тўлашга тайёр экани айтилмоқда.
