"Yuventus" vingeri Anxel di Mariya tez orada erkin agentga aylanishi mumkin.

Argentinalik futbolchining amaldagi shartnomasi joriy mavsum oxirida yakuniga yetadi. Turli manbalar "Yuventus" 35 yoshli futbolchi bilan hamkorlikni davom ettirishga tayyorligini bir necha bor xabar qilishgan, biroq vaziyat keskin o‘zgarganga o‘xshaydi.

Sky Italia xabariga ko‘ra, Turin klubi tarkibni yoshartirmoqchi, shuning uchun di Mariyaga ketishga ruxsat beriladi. “Keksa sinyora” rahbariyati ham futbolchining maoshi uning joriy mavsumdagi o‘yin darajasiga to‘g‘ri kelmaydi, deb hisoblamoqda.

Anxel di Mariya o‘tgan yozda "Yuventus"ga o‘tgandi. U "byankonerilar" safida 37 ta o‘yinda 8 ta gol va 7 ta golli uzatmaga mualliflik qilgan.