"Ювентус" вингери Анхель ди Мария тез орада эркин агентга айланиши мумкин.
Аргентиналик футболчининг амалдаги шартномаси жорий мавсум охирида якунига етади. Турли манбалар "Ювентус" 35 ёшли футболчи билан ҳамкорликни давом эттиришга тайёрлигини бир неча бор хабар қилишган, бироқ вазият кескин ўзгарганга ўхшайди.
Sky Italia хабарига кўра, Турин клуби таркибни ёшартирмоқчи, шунинг учун ди Марияга кетишга рухсат берилади. “Кекса синьора” раҳбарияти ҳам футболчининг маоши унинг жорий мавсумдаги ўйин даражасига тўғри келмайди, деб ҳисобламоқда.
Анхел ди Мария ўтган ёзда "Ювентус"га ўтганди. У "бьянконерилар" сафида 37 та ўйинда 8 та гол ва 7 та голли узатмага муаллифлик қилган.
