Britaniyalik bokschi, og‘ir vazn toifasida sobiq jahon chempioni Entoni Joshua ijtimoiy tarmoqlarda Ispaniya chempionatining 35-turi doirasida "Valensiya"ga qarshi o‘yinda (0:1) irqchilikka duch kelgan "Real" hujumchisi Vinisius Juniorni qo‘llab-quvvatlagan yangi postini e’lon qildi.
“U azob cheksa ham, kundalik hayotda akam, amakivachcham va o‘g‘lim uchun qanchalik og‘ir ekanini tasavvur qiling. Men uning og‘rig‘ini 100 foiz his qilaman”, — deb post qoldirdi Joshua.
Vinisius "Real"da 2018 yildan beri o‘ynab kelmoqda. Forvardning klub bilan shartnomasi 2024 yilgacha mo‘ljallangan. Vinisius joriy mavsumda “Real” safida 32 ta o‘yinda maydonga tushib, 10 ta gol urdi va 9 ta golli uzatmani amalga oshirdi.
