Британиялик боксчи, оғир вазн тоифасида собиқ жаҳон чемпиони Энтони Жошуа ижтимоий тармоқларда Испания чемпионатининг 35-тури доирасида "Валенсия"га қарши ўйинда (0:1) ирқчиликка дуч келган "Реал" ҳужумчиси Винисиус Жуниорни қўллаб-қувватлаган янги постини эълон қилди.

“У азоб чекса ҳам, кундалик ҳаётда акам, амакиваччам ва ўғлим учун қанчалик оғир эканини тасаввур қилинг. Мен унинг оғриғини 100 фоиз ҳис қиламан”, — деб пост қолдирди Жошуа.

Винисиус "Реал"да 2018 йилдан бери ўйнаб келмоқда. Форварднинг клуб билан шартномаси 2024 йилгача мўлжалланган. Винисиус жорий мавсумда “Реал” сафида 32 та ўйинда майдонга тушиб, 10 та гол урди ва 9 та голли узатмани амалга оширди.