"Manchester Yunayted" bosh murabbiyi Erik ten Xag joriy mavsum yakunida jamoani tark etadigan futbolchilar borasida bir qarorga keldi. Jurnalist Nikolo Skiraning ijtimoiy tarmoqlarda yozishicha, ketadiganlar ro‘yxatida o‘n nafar futbolchining ismi ko‘rsatilgan.
Yozgi mavsum oralig‘ida mankunianliklar safini tark etishi mumkin bo‘lgan futbolchilar: Din Xenderson, Erik Bayi, Xarri Maguayr, Aleks Telles, Brendon Uilyams, Donni van de Bek, Skott Maktominay, Entoni Elanga, Antoni Marsyal va Vaut Vegxorst.
"Manchester Yunayted" 36 o‘yindan so‘ng APLda 4-o‘rinni egallab turibdi. Navbatdagi o‘yinda “qizil iblislar” Londonning “Chelsi” jamoasi bilan to‘qnash keladi.