Rud van Nistelroy Eyndxovenning PSV klubi bosh murabbiyi lavozimini tark etdi. Bu haqda Niderlandiya klubi rasmiy saytida ma’lum qildi. "Manchester Yunayted" va "Real"ning sobiq hujumchisining ketish sabablari hozircha noma’lum.
Van Nistelroy PSV boshqaruvida atigi bir mavsum o‘tkazdi va jamoa bilan Niderlandiya kubogini qo‘lga kiritdi. Murabbiy qo‘l ostida ko‘plab o‘yinchilar paydo bo‘ldi, ular orasida o‘tgan yozda "PSJ"dan Rotterdam klubiga kelib qo‘shilgan yarim himoyachi Xavi Simons ham bor.
Eslatib o‘tamiz, PSVdagi ish van Nistelroy uchun murabbiylik faoliyatidagi birinchi ish edi. Avvalroq niderlandiyalik mutaxassis Rotterdam klubining yoshlar jamoasini boshqargan, shuningdek, Niderlandiya terma jamoasida ham yordamchi murabbiy bo‘lgan.
