"Fotih Karagumryuk" jamoa bosh murabbiyi Andrea Pirloni iste’foga chiqarganini ma’lum qildi.

Ma’lum qilinishicha, shartnoma tomonlarning o‘zaro kelishuviga ko‘ra bekor qilingan.

Eslatib o‘tamiz, Pirlo "Fotih Karagumryuk" jamoasini o‘tgan yilning yozidan beri boshqarib kelayotgandi. U avval Turinning "Yuventus" klubida ishlagan.

Eslatib o‘tish joizki, ushbu jamoada hamyurtimiz Otabek Shukurov o‘ynadi.

Joriy Turkiya chempionatining 33-turidan so‘ng "Fotih Karagumryuk" 44 ochko bilan turnir jadvalida 9-o‘rinda bormoqda. Mavsum yakuniga qadar jamoaning 3 ta o‘yini bor.