"Napoli" hujumchisi Irving Losano faoliyatini "Lion"da davom ettirishi mumkin, deya xabar beradi Il Mattino.
Manbaga ko‘ra, 27 yoshli meksikalik yozgi transfer oynasida "Napoli"ni tark etadi. Uning jamoa bilan shartnomasi 2024 yilning yoziga qadar mo‘ljallangan. "Lion" Losano uchun taxminan 20 million yevro taklif qilishga tayyor.
Losano neapolliklar safida 2019 yildan beri o‘ynab kelmoqda. Ushbu mavsumda vinger barcha musobaqalarda 41 ta o‘yinda maydonga tushib, 4 ta gol urdi va 4 ta golli uzatmani amalga oshirdi.