"Наполи" ҳужумчиси Ирвинг Лосано фаолиятини "Лион"да давом эттириши мумкин, дея хабар беради Il Mattino.
Манбага кўра, 27 ёшли мексикалик ёзги трансфер ойнасида "Наполи"ни тарк этади. Унинг жамоа билан шартномаси 2024 йилнинг ёзига қадар мўлжалланган. "Лион" Лосано учун тахминан 20 миллион евро таклиф қилишга тайёр.
Лосано неаполликлар сафида 2019 йилдан бери ўйнаб келмоқда. Ушбу мавсумда вингер барча мусобақаларда 41 та ўйинда майдонга тушиб, 4 та гол урди ва 4 та голли узатмани амалга оширди.