Hujumchi Roberto Firmino 7 yildan so‘ng "Liverpul"ni tark etdi.
Braziliyalik futbolchi allaqachon "Enfild"dagi so‘nggi o‘yinini o‘tkazdi va hattoki unda "Aston Villa" darvozasiga gol urdi.
Sky xabariga ko‘ra, mavsumning so‘nggi uy o‘yini yakunlangach, Firmino sovg‘alar tarqatgan. Ularni klub futbolchilari va xodimlari hamda braziliyalik taklif etgan mehmonlar qabul qilib oldi.
Hammasi bo‘lib Roberto 200 ta sovg‘a to‘plamini tayyorladi, ular orasida o‘z dastxati tushirilgan futbolkalar va maxsus atirlar mavjud.
31 yoshli Firmino endi yangi klub izlash ustida ishlamoqda. To‘g‘ri, "Liverpul" bu mavsumda yana bitta o‘yin o‘tkazishi kerak - safarda "Sautgempton"ga qarshi.
