"PSJ" Lissabonning "Sporting" klubi yarim himoyachi Manuel Ugarte bilan shartnoma imzolaydi.

Desporto xabariga ko‘ra, parijliklar klubi 22 yoshli urugvaylik futbolchining transferi uchun 60 million yevro to‘laydi. Aynan shu miqdor kompensasiya to‘g‘risidagi bandda ko‘rsatilgan.

"PSJ" urugvaylik yarim himoyachi bilan 5 yillik shartnoma imzolaydi.

Ugarte joriy mavsumda barcha musobaqalarda 47 ta o‘yinda maydonga tushib, 1 ta golli uzatmaga mualliflik qilgan. Unda 16 ta sariq va 1 ta qizil kartochka ham bor.