Myonxengladbaxning "Borussiya" klubi o‘zining rasmiy sayti orqali "Bavariya"dan Grant-Leon Ranos bilan shartnoma imzolaganini e’lon qildi.
19 yoshli futbolchi “xo‘tiklar” safiga tekin qo‘shiladi. U 2027 yilgacha shartnoma imzoladi.
“Ushbu buyuk klubning bir qismi bo‘lganimdan juda xursandman. Bu mening karyeramdagi katta qadam, men unga katta motivasiya bilan yaqinlashyapman. Menga ishonganlar uchun haq to‘lamoqchiman, mashg‘ulotlarda va o‘yinlarda o‘zimni ko‘rsatib, astoydil mehnat qilib, jamoada tezda o‘z o‘rnimni topmoqchiman", - dedi yangi kelgan futbolchi.
Joriy mavsumda Ranos “Bavariya” yoshlar jamoasida maydonga tushib, mintaqaviy ligada 20 ta gol urdi va 12 ta golli uzatmani amalga oshirdi. Mart oyida Armanistonning asosiy jamoasida debyut qildi va Kipr darvozasiga ikkita gol urdi.