Yoshlar o‘rtasidagi Jahon chempionatining "C" va "D" guruhlarida 2-tur bahslari 24 maydan 25 mayga o‘tar kechasi bo‘lib o‘tdi.

"C" guruhidan o‘rin olgan 2-tur o‘yinida Kolumbiya U-20 jamoasi Yaponiya yoshlariga qarshi bahs olib bordi va 2:1 hisobida mag‘lub etdi. Guruhning ikkinchi o‘yinida Isroil Senegal bilan 1:1 hisobida durang o‘ynadi.

Kolumbiyalik yoshlar "C" guruhi jadvalida olti ochko bilan birinchi o‘rinda borayotgan bo‘lsa, Yaponiya uch ochko bilan ikkinchi o‘rinni egallab turibdi. Isroil va Senegal esa bir ochkodan qo‘lga kiritgan.

"D" guruhida Braziliya U-20 terma jamoasi Dominikan ustidan 6:0 hisobida g‘alaba qozondi. Birinchi turda Braziliyani mag‘lub etgan Italiya yoshlari esa Nigeriyaga 0:2 hisobida mag‘lub bo‘ldi.

Ushbu g‘alabadan keyin nigeriyalik yoshlar olti ochko bilan guruh peshqadamiga aylandi. So‘nggi tur oldidan Italiya va Braziliya U-20 terma jamoalarida uch ochkodan bor. Dominikan esa hali ochko to‘play olmadi va guruhda oxirgi o‘rinni egallab turibdi.

25 maydan 26 mayga o‘tar kechasi yana ikkita guruhda 2-tur bahslari bo‘lib o‘tadi.

"E" guruhi
Urugvay — Angliya. 23:00
Iroq — Tunis. 02:00

"F" guruhi
Fransiya — Gambiya. 23:00
Janubiy Koreya — Gonduras. 02:00

U-20 JCH—2023
2-tur bahslari
24/25 may
Senegal — Isroil 1:1
Gollar: 0:1 – 58, avtogol Babakar NdiaYE, 1:1 – 80 Pepe Diop.

Yaponiya — Kolumbiya 1:2
Gollar: 1:0 – 30 Riku Yamane, 1:1 – 53 Yaser Aspirilya, 1:2 – 59 Tomas Guterres.

Italiya — Nigeriya 0:2
Gollar: 0:1 – 61 Salim Laval, 0:2 – 90+5 Jud Sandey.

Braziliya — Dominikan 6:0
Gollar: 1:0 – 37 Savio, 2:0 – 38 Markos Leonardo, 3:0 – 57 Karneyru Pedroso, 4:0 – 82 Jiovane Santana, 5:0 – 90+1 Marlon Gomes, 6:0 – 90+3 Mateus Silva.