"Inter" yarim himoyachisi Xakan Chalxano‘g‘li tez orada klub bilan shartnomasini uzaytirishini tasdiqladi.
“Hech kimga sir emaski, “Inter”da baxtliman, bu yerda birinchi kundanoq hammasi yaxshi edi. Muxlislar bizni qanday qo‘llab-quvvatlayotganini ko‘rganimda o‘zimni tirik his qilaman. Agar shartnoma haqida gapiradigan bo‘lsak, biz allaqachon hamma narsani kelishib oldik va rasmiy xulosaga juda yaqinmiz, men bu klubda orzularimni ro‘yobga chiqarishda davom etishdan xursand bo‘laman", - deya Chalxano‘g‘lining so‘zlarini keltiradi Sky Sports.
Chalxano‘g‘li 2021 yil iyulidan buyon “Inter” safida to‘p suradi, 2022/23 yilgi mavsumda jamoa safida barcha musobaqalarda 46 ta o‘yinda maydonga tushib, 4 ta gol urdi va 8 ta golli uzatmani amalga oshirdi.
29 yoshli turkning jamoa bilan amaldagi shartnomasi 2024 yilning iyun oyi oxirigacha amal qiladi.
