"Интер" ярим ҳимоячиси Хакан Чалханўғли тез орада клуб билан шартномасини узайтиришини тасдиқлади.
“Ҳеч кимга сир эмаски, “Интер”да бахтлиман, бу ерда биринчи кунданоқ ҳаммаси яхши эди. Мухлислар бизни қандай қўллаб-қувватлаётганини кўрганимда ўзимни тирик ҳис қиламан. Агар шартнома ҳақида гапирадиган бўлсак, биз аллақачон ҳамма нарсани келишиб олдик ва расмий хулосага жуда яқинмиз, мен бу клубда орзуларимни рўёбга чиқаришда давом этишдан хурсанд бўламан", - дея Чалханўғлининг сўзларини келтиради Sky Sports.
Чалханўғли 2021 йил июлидан буён “Интер” сафида тўп суради, 2022/23 йилги мавсумда жамоа сафида барча мусобақаларда 46 та ўйинда майдонга тушиб, 4 та гол урди ва 8 та голли узатмани амалга оширди.
29 ёшли туркнинг жамоа билан амалдаги шартномаси 2024 йилнинг июнь ойи охиригача амал қилади.
