Madridning “Real” klubi hujumchisi Vinisius Junior yaqinda “Valensiya”ga qarshi o‘yinda irqchilikka duch keldi, biroq u raqibining yuziga musht tushirdi va buning uchun qizil kartochka oldi.

Oradan ma’lum vaqt o‘tgach, qizil kartochka bekor qilindi va qizg‘in bahs-munozaralarga sabab bo‘ldi.

Masalan, "Barselona" ustozi Xavi irqchilikka murosasizligini bildirdi, biroq irqchilik Vinisiusning tajovuzkor xatti-harakatlarini oqlamasligini va qizil kartochkaning bekor qilinishi g‘alati qaror ekanligini aniq aytdi.

Ayni paytda "Sevilya" muxlislari "Real"ga qarshi bo‘lib o‘tadigan o‘yinda boykot qilishni rejalashtirmoqda. Shuning uchun ular Vinisiusning chetlatilishini bekor qilish qaroriga qarshi norozilik bildirishmoqchi, deb xabar bermoqda Vamos Mi Sevilla nashri.

"Sevilya" – "Real" uchrashuvi shanba, 27 may kuni bo‘lib o‘tadi.