Мадриднинг “Реал” клуби ҳужумчиси Винисиус Жуниор яқинда “Валенсия”га қарши ўйинда ирқчиликка дуч келди, бироқ у рақибининг юзига мушт туширди ва бунинг учун қизил карточка олди.
Орадан маълум вақт ўтгач, қизил карточка бекор қилинди ва қизғин баҳс-мунозараларга сабаб бўлди.
Масалан, "Барселона" устози Хави ирқчиликка муросасизлигини билдирди, бироқ ирқчилик Винисиуснинг тажовузкор хатти-ҳаракатларини оқламаслигини ва қизил карточканинг бекор қилиниши ғалати қарор эканлигини аниқ айтди.
Айни пайтда "Севилья" мухлислари "Реал"га қарши бўлиб ўтадиган ўйинда бойкот қилишни режалаштирмоқда. Шунинг учун улар Винисиуснинг четлатилишини бекор қилиш қарорига қарши норозилик билдиришмоқчи, деб хабар бермоқда Vamos Mi Sevilla нашри.
"Севилья" – "Реал" учрашуви шанба, 27 май куни бўлиб ўтади.
