"Yuventus" yarim himoyachisi Adriyen Rabyo klub bilan yangi shartnoma borasida muzokaralar olib bormayapti, deya xabar beradi jurnalist Fabrisio Romano. Katta ehtimol bilan futbolchi jamoani erkin agent sifatida tark etadi.
Manbaga ko‘ra, fransiyalik futbolchiga "Manchester Yunayted" faol qiziqish bildirmoqda. Mankunianliklar bosh murabbiyi Erik ten Xag fransiyalik futbolchini o‘z jamoasida ko‘rishni istamoqda, biroq tomonlar hali hech narsa bo‘yicha kelishib olishmagan.
28 yoshli Rabyo joriy mavsumda barcha turnirlarda 46 ta o‘yinda maydonga tushib, 11 ta gol urdi va 6 ta golli uzatmani amalga oshirdi. Transfermarkt uning bozor narxini 30 million yevroga baholamoqda.
