"Ювентус" ярим ҳимоячиси Адриен Рабьо клуб билан янги шартнома борасида музокаралар олиб бормаяпти, дея хабар беради журналист Фабрицио Романо. Катта эҳтимол билан футболчи жамоани эркин агент сифатида тарк этади.
Манбага кўра, франциялик футболчига "Манчестер Юнайтед" фаол қизиқиш билдирмоқда. Манкунианликлар бош мураббийи Эрик тен Хаг франсиялик футболчини ўз жамоасида кўришни истамоқда, бироқ томонлар ҳали ҳеч нарса бўйича келишиб олишмаган.
28 ёшли Рабьо жорий мавсумда барча турнирларда 46 та ўйинда майдонга тушиб, 11 та гол урди ва 6 та голли узатмани амалга оширди. Transfermarkt унинг бозор нархини 30 миллион еврога баҳоламоқда.