Angliyalik sobiq futbolchi Jeymi Rednapp Meyson Mauntning «Chelsi»dagi kelajagi haqida gapirdi.

Yarim himoyachining amaldagi shartnomasi kelasi yozda yakuniga yetadi. Tomonlar shartnoma shartlari bo‘yicha kelisha olishmadi, shu sababli futbolchi yaqinlashib kelayotgan transfer oynasidayoq sotib yuborilishi mumkin.

«O‘ylaymanki, agar «Chelsi» va Maunt yangi shartnoma bo‘yicha kelishib olishsa, buni allaqachon qilgan bo‘lardi.

Klub ko‘plab o‘yinchilar bilan shartnoma imzolaydi, ammo Maunt mahalliy akademiyaning yigitlari uchun namunadir. Ular unga ergashadi, unga o‘xshashni xohlashadi», dedi Rednapp.

Mauntga asosiy da’vogarlar «Liverpul» va «Manchester Yunayted» bo‘lib turibdi.