Англиялик собиқ футболчи Жейми Реднапп Мэйсон Маунтнинг «Челси»даги келажаги ҳақида гапирди.
Ярим ҳимоячининг амалдаги шартномаси келаси ёзда якунига етади. Томонлар шартнома шартлари бўйича келиша олишмади, шу сабабли футболчи яқинлашиб келаётган трансфер ойнасидаёқ сотиб юборилиши мумкин.
«Ўйлайманки, агар «Челси» ва Маунт янги шартнома бўйича келишиб олишса, буни аллақачон қилган бўларди.
Клуб кўплаб ўйинчилар билан шартнома имзолайди, аммо Маунт маҳаллий академиянинг йигитлари учун намунадир. Улар унга эргашади, унга ўхшашни хоҳлашади», деди Реднапп.
Маунтга асосий даъвогарлар «Ливерпуль» ва «Манчестер Юнайтед» бўлиб турибди.
