Yarim himoyachi Aleksis Makallister "Aston Villa"ga qarshi mavsumning so‘nggi o‘yinidan so‘ng "Brayton" muxlislari bilan xayrlashadi. Bu haqda insayder Fabrisio Romano ijtimoiy tarmoqlarda xabar tarqatdi.
"Liverpul" Makallisterning keyingi klubi bo‘lishi kutilmoqda. Kelishuv yakunlanishiga yaqin" - deb yozadi Romano.
Umuman olganda, Aleksis Makallister "Brayton" safida 111 ta rasmiy o‘yin o‘tkazib, 20 ta gol urdi va 9 ta golli uzatmani hamkorlariga berdi.
Eslatib o‘tamiz, o‘tgan yil oxirida 24 yoshli Makallister Argentina terma jamoasi safida jahon chempioni bo‘lgandi.