Dortmundning “Borussiya” klubi chap qanot himoyachisi Rafael Gerreyru faoliyatini Turkiyada davom ettirishi mumkin.
Portugaliyalik joriy mavsum yakunlanganidan so‘ng erkin agent maqomida "asalarilar" safini tark etadi. Jurnalist Ekrem Konurning so‘zlariga ko‘ra, Turkiyaning "Galatasaroy"i Gerreyruga da’vogarlik qilmoqda. Manbaga ko‘ra, 29 yoshli futbolchiga Angliya, Portugaliya va Italiya chempionatlari vakillari ham qiziqish bildirishmoqda.
Rafael Gerreyru 2016 yildan beri Dortmundning "Borussiya" jamoasi sharafini himoya qilib kelmoqda. Umuman olganda, u barcha musobaqalarda Dortmundliklar safida 223 ta o‘yinda maydonga tushib, 39 ta gol va 50 ta golli uzatmani amalga oshirgan.