Дортмунднинг “Боруссия” клуби чап қанот ҳимоячиси Рафаэль Геррейру фаолиятини Туркияда давом эттириши мумкин.
Португалиялик жорий мавсум якунланганидан сўнг эркин агент мақомида "асаларилар" сафини тарк этади. Журналист Экрем Конурнинг сўзларига кўра, Туркиянинг "Галатасарой"и Геррейруга даъвогарлик қилмоқда. Манбага кўра, 29 ёшли футболчига Англия, Португалия ва Италия чемпионатлари вакиллари ҳам қизиқиш билдиришмоқда.
Рафаэль Геррейру 2016 йилдан бери Дортмунднинг "Боруссия" жамоаси шарафини ҳимоя қилиб келмоқда. Умуман олганда, у барча мусобақаларда Дортмундликлар сафида 223 та ўйинда майдонга тушиб, 39 та гол ва 50 та голли узатмани амалга оширган.
