Xabar berib o‘tganimizdek, 22-26 may kunlari Polshaning Pultusk shahrida boks bo‘yicha Feliks Shtamm 38-an’anaviy xalqaro turniri bo‘lib o‘tdi.

Ushbu musobaqada 20 ga yaqin mamlakatdan bokschilar ishtirok etishdi. Mazkur turnirda O‘zbekiston terma jamoasi yigitlari ham qatnashayotganliklari haqida xabar berib o‘tgandik.

Turnir vakillarimiz uchun muvaffaqiyatli yakunlandi. Terma jamoamiz a’zolari musobaqa yakuniga ko‘ra 6 ta oltin, 2 ta kumush va 1 ta bronza medallarini qo‘lga kiritishdi va umumjamoa hisobida birinchi o‘rinni egallashdi.

Hamyurtimiz Adham Muhiddinov musobaqaning eng yaxshi bokschisi sifatida e’tirof etilganini ham qo‘shimcha qilishimiz lozim.

Terma jamoamiz safida quyidagi bokschilarimiz sovrindor bo‘lishdi:

Oltin:

-51 kg: Asilbek Jalilov
-60 kg: Dilshod Abdumurodov
-63,5 kg: Adham Muhiddinov
-75 kg: Havasbek Asatullayev
-80 kg: To‘rabek Habibullayev
-92 kg: Nusratbek Tohirov

Kumush:

-75 kg: Nurislom Ismoilov
-80 kg: Rahmatillo Boymatov

Bronza:

-86 kg: Samandar Jalolov.