Dortmundning “Borussiya” klubi rasmiy sayti joriy mavsum yakunida shartnomasi tugaydigan besh nafar futbolchining jamoani tark etgani haqida xabar berdi.
Bundesliga vise-chempioni himoyachilar Feliks Passlak va Rafael Gerreyru, yarim himoyachi Mahmud Daud, shuningdek, hujumchi Antoni Modest va darvozabon Luka Unbexaun bilan xayrlashdi. Xayrlashuv chog‘ida jamoa sardori Marko Roys futbolchilarga esdalik sovg‘alarini topshirdi.
Eslatib o‘tamiz, "Borussiya" so‘nggi turda Bundesligada chempionlikni boy bergandi. Dortmundliklar “Bavariya” bilan bir xil ochko jamg‘argan bo‘lsa-da, myunxenliklarga to‘plar farqi evaziga chempionlik kurashida mag‘lub bo‘ldi.