Дортмунднинг “Боруссия” клуби расмий сайти жорий мавсум якунида шартномаси тугайдиган беш нафар футболчининг жамоани тарк этгани ҳақида хабар берди.
Бундеслига вице-чемпиони ҳимоячилар Феликс Пасслак ва Рафаэль Геррейру, ярим ҳимоячи Маҳмуд Дауд, шунингдек, ҳужумчи Антони Модест ва дарвозабон Лука Унбехаун билан хайрлашди. Хайрлашув чоғида жамоа сардори Марко Ройс футболчиларга эсдалик совғаларини топширди.
Эслатиб ўтамиз, "Боруссия" сўнгги турда Бундеслигада чемпионликни бой берганди. Дортмундликлар “Бавария” билан бир хил очко жамғарган бўлса-да, мюнхенликларга тўплар фарқи эвазига чемпионлик курашида мағлуб бўлди.
