Bugun Norvegiyaning Stavanger shahrida shaxmat bo‘yicha nufuzli "Norway Chess" turniri boshlanadi.

Mukofot jamg‘armasi 2 500 000 norvegiya kronasini (taxminan 225 ming AQSH dollari) tashkil etuvchi mazkur turnirda hamyurtimiz Nodirbek Abdusattorov ham ishtirok etadi.

Bugun musobaqa doirasida blis bahslari o‘tkaziladi. Unda barcha 9 ta tur o‘yinlari tashkil etiladi. Ertadan boshlab esa klassik bahslar boshlanadi.

Klassik bahslar quyidagi formatda o‘tkaziladi:

Shaxmatchilar bir davrada o‘zaro to‘qnash keladilar. Har bir sportchiga dastlab 120 daqiqa vaqt beriladi va har bir yurish uchun 10 soniya vaqt qo‘shiladi. 40-yurishdan keyin oqlarga 10 daqiqa, qoralarga 7 daqiqa vaqt qo‘shib beriladi. Har bir yurishga 1 soniyadan qo‘shib boriladi.

Mukofot jamg‘armasi
Turnirning umumiy mukofot jamg‘armasi 2.500.000 Norvegiyasi kronasiga teng (taxminan 225 ming AQSH dollari). Mukofot shaxmatchilar o‘rtasida quyidagicha taqsimlanadi:

1-o‘rin: 750 000 krona ($71000)
2-o‘rin: 400 000 krona ($38000)
3-o‘rin: 250 000 krona ($237000)
4-o‘rin: 200 000 krona ($19000)
5-o‘rin: 180 000 krona ($17000)
6-o‘rin: 170 000 krona ($16000)
7-o‘rin: 160 000 krona ($15000)
8-o‘rin: 140 000 krona ($13000)
9-o‘rin: 130 000 krona ($12000)
10-o‘rin: 120 000 krona ($11000).

Bahslar Toshkent vaqti bilan soat 22:00dan so‘ng boshlanadi.

Eslatib o‘tamiz, turnirda quyidagi shaxmatchilar ishtirok etadi:

Magnus Karlsen (Norvegiya)
Alirizo Firudja (Fransiya)
Xikaru Nakamura (AQSH)
Anish Giri (Niderlandiya)
Uesli So (AQSH)
Fabiano Karuana (AQSH)
Shaxriyor Mamedyarov (Ozarbayjon)
Gukesh Dommaradju (Hindiston)
Nodirbek Abdusattorov (O‘zbekiston)
Aryan Tari (Norvegiya).