Бугун Норвегиянинг Ставангер шаҳрида шахмат бўйича нуфузли "Norway Chess" турнири бошланади.

Мукофот жамғармаси 2 500 000 норвегия кронасини (тахминан 225 минг АҚШ доллари) ташкил этувчи мазкур турнирда ҳамюртимиз Нодирбек Абдусатторов ҳам иштирок этади.

Бугун мусобақа доирасида блиц баҳслари ўтказилади. Унда барча 9 та тур ўйинлари ташкил этилади. Эртадан бошлаб эса классик баҳслар бошланади.

Классик баҳслар қуйидаги форматда ўтказилади:

Шахматчилар бир даврада ўзаро тўқнаш келадилар. Ҳар бир спортчига дастлаб 120 дақиқа вақт берилади ва ҳар бир юриш учун 10 сония вақт қўшилади. 40-юришдан кейин оқларга 10 дақиқа, қораларга 7 дақиқа вақт қўшиб берилади. Ҳар бир юришга 1 сониядан қўшиб борилади.

Мукофот жамғармаси
Турнирнинг умумий мукофот жамғармаси 2.500.000 Норвегияси кронасига тенг (тахминан 225 минг АҚШ доллари). Мукофот шахматчилар ўртасида қуйидагича тақсимланади:

1-ўрин: 750 000 крона ($71000)
2-ўрин: 400 000 крона ($38000)
3-ўрин: 250 000 крона ($237000)
4-ўрин: 200 000 крона ($19000)
5-ўрин: 180 000 крона ($17000)
6-ўрин: 170 000 крона ($16000)
7-ўрин: 160 000 крона ($15000)
8-ўрин: 140 000 крона ($13000)
9-ўрин: 130 000 крона ($12000)
10-ўрин: 120 000 крона ($11000).

Баҳслар Тошкент вақти билан соат 22:00дан сўнг бошланади.

Эслатиб ўтамиз, турнирда қуйидаги шахматчилар иштирок этади:

Магнус Карлсен (Норвегия)
Алиризо Фируджа (Франция)
Хикару Накамура (АҚШ)
Аниш Гири (Нидерландия)
Уэсли Со (АҚШ)
Фабиано Каруана (АҚШ)
Шахриёр Мамедяров (Озарбайжон)
Гукеш Доммараджу (Ҳиндистон)
Нодирбек Абдусатторов (Ўзбекистон)
Арьян Тари (Норвегия).