"Ayaks" yarim himoyachisi yangi jamoaga o‘tishga yaqinlashmoqda. Jurnalist Nikolo Skiraning xabar berishicha, meksikalik yarim himoyachi Dortmundning "Borussiya" klubi bilan shaxsiy shartnoma shartlarini kelishib olgan.
Eslatib o‘tamiz, Alvares xizmatlariga "Bavariya" ham qiziqqan edi, ammo myunxenliklar klubi yakunda meksikalik nomzodidan voz kechishga qaror qildi. "Borussiya" bir necha haftadan buyon transfer ustida ishlamoqda, hozir esa yakunlash arafasida.
25 yoshli Alvares joriy mavsum Niderlandiya chempionatida 3 ta gol urdi va 3 ta golli uzatmani amalga oshirdi. Futbolchi "Ayaks"da to‘rtinchi mavsumini o‘tkazmoqda.