Britaniyaning The Mirror nashriga ko‘ra, "Lester"ni o‘n nafargacha futbolchi tark etishi mumkin.
2022/23 yilgi mavsum yakunida Angliya Premyer-ligasini tark etgan klubni bu yozda Xarvi Barns va Jeyms Meddison tark etishi aniq. 26 yoshli Meddison uchun "Lester" kamida 57,5 million yevro talab qilmoqda.
Bundan tashqari, Chaglar Seyundju, Jonni Evans, Daniel Amarti, Rayan Bertran, Nampalis Mendi, Ayoze Peres va Yuri Tilemans kabi futbolchilarning shartnomasi iyun oyi oxirida yakuniga yetadi. Katta ehtimol bilan Uilfrid Ndidi ham “tulkilar”ni tark etadi.
2022/23 yilgi mavsum yakunida “Lester”, “Lids” va “Sautgempton” Premyer-ligani tark etishdi.













