"Barselona" bosh murabbiyi Xavi Ernandes hujumchi Ansu Fati yaqin orada jamoadan ketishini inkor etmadi. Ispaniyalik mutaxassis futbolchining kelajagi moliyaviy feyr-pley bilan bog‘liq vaziyatga bog‘liqligini takidladi.
"Bir yil oldin men Pyer-Emerik Obameyangning jamoani tark etishini istamasdim, ammo hammasi moliyaviy feyr-pley holatiga bog‘liq edi. Biz iqtisodiy vaziyatga qarashimiz kerak. Bu nafaqat Fatiga, balki boshqa futbolchilarga ham tegishli”, - deya Xavidan iqtibos keltiradi jurnalist Fabrisio Romano.
Eslatib o‘tamiz, Fatining o‘zi "Barselona"ni tark etishni istamayapti. Ammo futbolchiga Angliya Premyer-ligasi klublaridan jiddiy qiziqish bor.
