Qanot hujumchisi Deyan Kulushevski kelajagi haqida gapirdi. Shvesiyalik futbolchining "Tottenxem"dagi ijara muddati tugayapti, londonliklar esa 23 yoshli futbolchini "Yuventus"dan sotib olish variantini hali faollashtirmagan.
“Men klub bilan gaplashaman va ular men uchun nima tayyorlab qo‘yishlarini ko‘raman. Menga “Tottenxem” yoqadi, lekin ular qanday fikrda ekanligini va kelajak qanday bo‘lishini bilishim kerak”, dedi Kulushevski Evening Standard nashriga.
2022/2023 yilgi mavsumda Deyan Kulushevski "Tottenxem" safida Premyer-ligada 30 ta o‘yin o‘tkazdi. Ularda shved ikkita gol urdi.
