Mavsum boshida "Andijon" jamoasining murabbiylar shtabida ish boshlagan tajribali Nikolay Shevchenko klubni tark etishga qaror qildi.
Gap shundaki, Nikolay Nikolayevichning o‘zi jamoadan ketishi uchun ruxsat oldi. Boisi, unga boshqa jamoadan tushgan taklif ma’qul kelgani va o‘zi yangi chorlovga ijobiy javob berishni ixtiyor qilgani uchun "Andijon" klubi murabbiyning ketishiga qarshilik qilmadi va oq yo‘l tilagan holda ikki tomon do‘stona xayrlashdi.
"Nikolay Shevchenkoga Qozog‘istonning "Kiran" jamoasidan taklif tushdi. Bu jamoani yaqinda Aleksandr Mochinov bosh murabbiy sifatida qabul qilib olgandi. Mochinov esa yordamchi murabbiylikka Shevchenkoni chorladi.
Nikolay Nikolayevich "Andijon" klubiga o‘z minnatdorchiligini bildirdi. O‘z navbatida uning keyingi faolyatiga omad tilab qolamiz" - deyiladi andijonliklar bayonotida.
