Yevropa Ligasi finalidagi penaltilar seriyasi, birinchidan, uchta penaltidan ikkitasini bartaraf etgan Yassin Bununing qahramonligi, ikkinchidan, Gonsalo Montyelni ikki marta penalti tepishga majbur qilgan VAR aralashuvi bilan esda qoladi.

Argentinalik futbolchining birinchi zarbasini Rui Patrisiu qaytardi, biroq hakamlar darvozabon darvoza chizig‘ini ertaroq tark etdi, deb hisobladi va Montyelga ikkinchi imkoniyat berdi va u g‘alaba golini kiritdi.

Ammo diqqat qilish kerak bo‘lgan yana bir nuqta bor. Joze Mourinyo penalti tepish uchun kimlarni tayinlaginiga e’tibor qaratdingizmi? Belotti, Veynaldum va El-SHaaravi maydonda bo‘lishsa-da, o‘z urinishlarini amalga oshirishga muvaffaq bo‘lgan bu uch kishidan birortasi ham hujumkor o‘yinchi emasdi.

Endi zarbalarni bajarganlarning statistikasiga e’tibor bering. Brayan Kristante - yuqori darajadagi faoliyatida atigi 3 ta penalti (2 tasi muvaffaqiyatsiz), bu mavsumda atigi bitta. Himoyachilar Janluka Manchini va Rojer Ibanez - butun faoliyati davomida umuman penalty tepmagan.

Aftidan, Joze Yassin Bunu va “Sevilya” murabbiylari kim qanday zarba berishini yaxshi o‘rgangan, deya penalti tepmagan futbolchilarni tanladi va xato bo‘lib chiqdi.

To‘g‘ri, bu nazariyaning ham qarshi argumenti bor: o‘yin yakuniga qadar "Roma"da penalti tepish tajribasiga ega atigi 4 kishi qolgan edi: Kristante, Belotti, Veynaldum va Zalevski. Ehtimol, qolgan urinishlar ulardan biri tomonidan amalga oshirilishi kerak edi.
Har holda, Jozening hiyla-nayrang harakati natija bermadi – faqat Kristante gol urdi, marokashlik posbon esa himoyachilarning zarbalarini tayyorgarliksiz bartaraf etdi.

Aytgancha, bu mavsumda xuddi shunday hiylani boshqa portugaliyalik, “Sporting” ustozi Ruben Amorim ham amalga oshirdi, u “Arsenal”ga qarshi penaltilar seriyasida 11 metrlik zarba berishda deyarli tajribasiz futbolchilarni tayinlagan edi, lekin ular topshiriqni a’lo darajada uddalashgan edi.