«An-Nasr» hujumchisi Krishtianu Ronaldu sovrinsiz yakunlangan mavsum haqida fikr bildirdi. Ar-riyodliklar Saudiya Arabistoni chempionatida 2-o‘rinni egallab, mamlakat kubogidan erta chiqib ketishdi.

«Ish har doim biz orzu qilgandek ketavermaydi. Ba’zida sabrli bo‘lib, maqsadga erishish uchun barqarorlik va qat’iyatni saqlab turish kerak bo‘ladi.

O‘ylashimcha, "An-Nasr" klubi boshqa jamoalar kabi so‘nggi 5 oyda sezilari kuchaydi. Ba’zida maqsadga erishish uchun vaqt talab etiladi. Ammo biz o‘zimizga ishonsak, barchasini uddalaymiz.

Joriy mavsumda qandaydir sovrin yutishga umid qilgandim, ammo buni uddalay olmadik. Biroq barchasi yaxshi tomonga o‘zgarishiga ishonaman. Bunga ishonishda va ishlashda davom etamiz», – dedi portugaliyalik futbolchi Saudiya Arabistoni futbol ligasi matbuot xizmatiga bergan intervyusida.