"Milan" o‘zining rasmiy sayti orqali Rafael Leau bilan shartnomani uzaytirganini e’lon qildi.
Kelasi hafta 24 yoshga to‘ladigan hujumchi 2028 yilning iyun oyi oxirigacha mo‘ljallangan mehnat shartnomasini imzoladi.
Leau 2019 yilning yozidan beri «Milan»da o‘ynamoqda. O‘shandan beri portugaliyalik 162 ta rasmiy o‘yin o‘tkazib, 41 ta gol urgan va 36 ta golli uzatmani sheriklariga bergan.
Eslatib o‘tamiz, "Milan" allaqachon A seriyaning kuchli to‘rttaligiga kirdi. Kelasi mavsumda "rossonerilar" Chempionlar ligasining guruh bosqichida ishtirok etadi.
Chempionatning so‘nggi turida Stefano Pioli shogirdlari o‘z maydonida “Verona”ga qarshi bahs olib boradi.
