"Милан" ўзининг расмий сайти орқали Рафаэль Леау билан шартномани узайтирганини эълон қилди.
Келаси ҳафта 24 ёшга тўладиган ҳужумчи 2028 йилнинг июнь ойи охиригача мўлжалланган меҳнат шартномасини имзолади.
Леау 2019 йилнинг ёзидан бери «Милан»да ўйнамоқда. Ўшандан бери португалиялик 162 та расмий ўйин ўтказиб, 41 та гол урган ва 36 та голли узатмани шерикларига берган.
Эслатиб ўтамиз, "Милан" аллақачон А сериянинг кучли тўртталигига кирди. Келаси мавсумда "россонерилар" Чемпионлар лигасининг гуруҳ босқичида иштирок этади.
Чемпионатнинг сўнгги турида Стефано Пиоли шогирдлари ўз майдонида “Верона”га қарши баҳс олиб боради.
