«Barselona» bosh murabbiyi Xavi Yevropa ligasi finalida «Roma» bosh murabbiyi Joze Mourinyo qilgan xatti-harakatlarga izoh berdi.

«Mourinyoning hakamlarga nisbatan xatti-harakati? Maydonda nima bo‘lishidan qat’i nazar, biz o‘z reaksiyamizni nazorat qilishimiz kerak», - dedi Xavi «Selta»ga qarshi o‘yin oldidan o‘tkazilgan matbuot anjumanida.

«Biz, murabbiylar, o‘rnak bo‘lishimiz kerak. Umid qilamanki, men hech qachon bunday holatga tushmayman», - deya qo‘shimcha qildi «Barsa» bosh murabbiyi.

Chorshanba kungi Yevropa ligasi finalida «Roma» va «Sevilya» o‘rtasidagi o‘yindan so‘ng Mourinyo bosh hakam Entoni Teylorni avtoturargohgacha kuzatib, ingliz hakamini haqorat qildi.

Mourinyo yomon xulq-atvori uchun 10 o‘yinga diskvalifikasiya qilinishi mumkin.